خون سے جب جلا دیا ایک دیا بجھا ہوا — پیرزادہ قاسم
شاعر
خون سے جب جلا دیا ایک دیا بجھا ہوا
خون سے جب جلا دیا ایک دیا بجھا ہوا
پھر مجھے دے دیا گیا ایک دیا بجھا ہوا
اپنے تو عہد شوق کے مرحلے سب عجیب تھے
ہم کو وصال سا لگا ایک دیا بجھا ہوا
ایک ہی داستان شب ایک ہی سلسلہ تو ہے
ایک دیا جلا ہوا ایک دیا بجھا ہوا
شعلہ ہوا نژاد تھا پھر بھی ہوا کے ہاتھ نے
بس یہی فیصلہ لکھا ایک دیا بجھا ہوا
محفل رنگ و نور کی پھر مجھے یاد آ گئی
پھر مجھے یاد آ گیا ایک دیا بجھا ہوا
مجھ کو نشاط سے فزوں رسم وفا عزیز ہے
میرا رفیق شب رہا ایک دیا بجھا ہوا
درد کی کائنات میں مجھ سے بھی روشنی رہی
ویسے میری بساط کیا ایک دیا بجھا ہوا
سب مری روشنئ جاں حرف سخن میں ڈھل گئی
اور میں جیسے رہ گیا ایک دیا بجھا ہوا
پیرزادہ قاسم
Khoon se jab jala diya ek diya bujha hua
Khoon se jab jala diya ek diya bujha hua
Phir mujhe de diya gaya ek diya bujha hua
Apne to ahd-e-shauq ke marhale sab ajeeb thhe
Hum ko visal sa laga ek diya bujha hua
Ek hi dastaan-e-shab ek hi silsila to hai
Ek diya jala hua ek diya bujha hua
Shola hua nizaad tha phir bhi hawa ke haath ne
Bas yahi faisla likha ek diya bujha hua
Mehfil-e-rang-o-noor ki phir mujhe yaad aa gayi
Phir mujhe yaad aa gaya ek diya bujha hua
Mujh ko nishaat se fuzoon rasm-e-wafa aziz hai
Mera rafeeq-e-shab raha ek diya bujha hua
Dard ki kainat mein mujh se bhi roshni rahi
Waise meri bisaat kya ek diya bujha hua
Sab meri roshni-e-jaan harf-e-sukhan mein dhal gayi
Aur main jaise reh gaya ek diya bujha hua
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں