خود ہی روٹھے ہو تو پھر اس کا مداوا کیوں ہو — پیرزادہ قاسم
شاعر
خود ہی روٹھے ہو تو پھر اس کا مداوا کیوں ہو
خود ہی روٹھے ہو تو پھر اس کا مداوا کیوں ہو
ہم نہ کہتے تھے کہ ہاں رنجش بے جا کیوں ہو
ہر بشر اپنی پریشاں نظری کے با وصف
خود تماشا ہے تو پھر محو تماشا کیوں ہو
دل کے بہلانے کو امید کرم رکھتے ہیں
ورنہ یہ ہم بھی سمجھتے ہیں کہ ایسا کیوں ہو
دشت جو میری تمنا نہ کرے دشت نہیں
خاک جس میں نہ اڑے میری وہ صحرا کیوں ہو
ایک لحظہ بھی جو پاؤں غم ہستی سے فراغ
اک نیا رنج پکارے ہے کہ تنہا کیوں ہو
پیرزادہ قاسم
Khud hi roothe ho to phir us ka madawa kyun ho
Khud hi roothe ho to phir us ka madawa kyun ho
Hum na kehte the ke haan ranjish-e-beja kyun ho
Har bashar apni pareshaan nazri ke ba-wasf
Khud tamasha hai to phir mahv-e-tamasha kyun ho
Dil ke behlane ko umeed-e-karam rakhte hain
Warna yeh hum bhi samajhte hain ke aisa kyun ho
Dasht jo meri tamanna na kare dasht nahin
Khaak jis mein na ude meri woh sehra kyun ho
Ek lahza bhi jo paaun gham-e-hasti se faragh
Ek naya ranj pukare hai ke tanha kyun ho
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں