کیا ہے جو قرض شہر جاں آج ادا ہو یا نہ ہو — پیرزادہ قاسم
شاعر
کیا ہے جو قرض شہر جاں آج ادا ہو یا نہ ہو
کیا ہے جو قرض شہر جاں آج ادا ہو یا نہ ہو
آگ لگی ہو یا نہیں خون بہا ہو یا نہ ہو
میری تو کشت جاں میں آج زخم ہی زخم کھل اٹھے
اب مجھے کیا کہ صحن میں پھول کھلا ہو یا نہ ہو
عرصۂ شوق میں نہیں فرصت پیش و پس کا وہم
زخم طلب رہیں گے ہم زخم ملا ہو یا نہ ہو
ہم نے تو ماجرائے غم بر سر عام کہہ دیا
اشک بہے ہوں یا نہیں شور اٹھا ہو یا نہ ہو
اس کو تو تازہ کاری و زخم گری کا شوق ہے
زخم دبے ہوں یا نہیں درد تھما ہو یا نہ ہو
محرم راز ہے ہوا فاش ہے سارا ماجرا
اس نے کہا ہو یا نہیں ہم نے سنا ہو یا نہ ہو
اس کے تو ہے نصیب میں شب نظری و جاں کنی
بھڑکے ہے خود چراغ شوق تیز ہوا ہو یا نہ ہو
ہم تو فریب کاریٔ شب کو بیان کر گئے
اب یہ نصیب شہر ہے جاگ اٹھا ہو یا نہ ہو
اس کی گلی سے آج تو گزرے تھے سر بدست ہم
اس نے بہ یک نگاہ شوق دیکھ لیا ہو یا نہ ہو
پیرزادہ قاسم
Kya hai jo qarz-e-shehr-e-jaan aaj ada ho ya na ho
Kya hai jo qarz-e-shehr-e-jaan aaj ada ho ya na ho
Aag lagi ho ya nahin khoon baha ho ya na ho
Meri to kisht-e-jaan mein aaj zakhm hi zakhm khil uthe
Ab mujhe kya ke sehn mein phool khila ho ya na ho
Arsa-e-shauq mein nahin fursat-e-pesh-o-pas ka wahm
Zakhm talab rahenge hum zakhm mila ho ya na ho
Hum ne to maajara-e-gham bar sar-e-aam keh diya
Ashk bahe hon ya nahin shor utha ho ya na ho
Usko to taza-kari-o-zakhm-gari ka shauq hai
Zakhm dabe hon ya nahin dard thama ho ya na ho
Mehram-e-raaz hai hua faash hai saara maajara
Usne kaha ho ya nahin hum ne suna ho ya na ho
Uske to hai naseeb mein shab-nazri-o-jaan-kuni
Bhadke hai khud charagh-e-shauq tez hawa ho ya na ho
Hum to fareb-kari-e-shab ko bayan kar gaye
Ab yeh naseeb-e-shehr hai jaag utha ho ya na ho
Uski gali se aaj to guzre the sar-badast hum
Usne ba-yak nigah-e-shauq dekh liya ho ya na ho
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں