لڑکھڑاتے ہوئے بھی اور سنبھلتے ہوئے بھی — پیرزادہ قاسم
شاعر
لڑکھڑاتے ہوئے بھی اور سنبھلتے ہوئے بھی
لڑکھڑاتے ہوئے بھی اور سنبھلتے ہوئے بھی
اس کے در پر ہی گئے خواب میں چلتے ہوئے بھی
عشق آثار تھی ہر راہ گزر اس کی تھی
ہم بھٹک سکتے نہ تھے راہ بدلتے ہوئے بھی
عشق ہے عشق بہ ہر حال نمو پائے گا
یعنی جلتے ہوئے بھی اور پگھلتے ہوئے بھی
زندگی تیرے فقط ایک تبسم کے لیے
ہم کہ ہنستے ہی رہے درد میں ڈھلتے ہوئے بھی
ایک مدت سے ہیں ہم عشق میں آوارہ بکار
یعنی اک عمر ہوئی پھولتے پھلتے ہوئے بھی
سلسلہ تجھ سے ہی تھا تیرے طلب گاروں کا
برف ہوتے ہوئے بھی آگ میں جلتے ہوئے بھی
بن ترے ایسا اندھیرا تھا مرے اندر یار
ڈر لگا عشق کے سورج کو نکلتے ہوئے بھی
پیرزادہ قاسم
Ladkhadate Hue Bhi Aur Sambhalte Hue Bhi
Ladkhadate hue bhi aur sambhalte hue bhi
Us ke dar par hi gaye khwab mein chalte hue bhi
Ishq asaar thi har raahguzar us ki thi
Hum bhatak sakte na the raah badalte hue bhi
Ishq hai ishq ba har haal numoo paaega
Yaani jalte hue bhi aur pighalte hue bhi
Zindagi tere faqat ek tabassum ke liye
Hum ke hanste hi rahe dard mein dhalte hue bhi
Ek muddat se hain hum ishq mein awara ba-kar
Yaani ik umr hui phoolte phalte hue bhi
Silsila tujh se hi tha tere talabgaron ka
Barf hote hue bhi aag mein jalte hue bhi
Bin tire aisa andhera tha mere andar yaar
Dar laga ishq ke suraj ko nikalte hue bhi
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں