لمحہ لمحہ مرا ہر اک سے سوا جاگتا ہے — پیرزادہ قاسم
شاعر
لمحہ لمحہ مرا ہر اک سے سوا جاگتا ہے
لمحہ لمحہ مرا ہر اک سے سوا جاگتا ہے
میں الگ جاگتا ہوں درد جدا جاگتا ہے
بخت بھی سوتے ہیں اور گھر کے مکیں بھی لیکن
سرحد شب پہ کہیں ایک دیا جاگتا ہے
خواب ہو جانے سے پہلے کوئی حرف خوش کام
اسی امید پہ یہ ذہن رسا جاگتا ہے
ہم پہ ہی خاص ہیں کچھ اس کی عنایات سو اب
فتنہ اس شہر میں ہر روز نیا جاگتا ہے
اے مرے درد بتا حد سے گزرنا کب ہے
تو جو یوں جاگتا رہتا ہے تو کیا جاگتا ہے
پیرزادہ قاسم
Lamha lamha mera har ek se siwa jaagta hai
Lamha lamha mera har ek se siwa jaagta hai
Main alag jaagta hoon dard juda jaagta hai
Bakht bhi sote hain aur ghar ke makeen bhi lekin
Sarhad-e-shab pe kahin ek diya jaagta hai
Khwab ho jaane se pehle koi harf-e-khush kaam
Isi umeed pe yeh zehen-e-rasa jaagta hai
Hum pe hi khaas hain kuch uss ki inayaat so ab
Fitna is shehar mein har roz naya jaagta hai
Aye mere dard bata hadd se guzarna kab hai
Tu jo yoon jaagta rehta hai to kya jaagta hai
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں