میں کب سے اپنی تلاش میں ہوں ملا نہیں ہوں — پیرزادہ قاسم
شاعر
میں کب سے اپنی تلاش میں ہوں ملا نہیں ہوں
میں کب سے اپنی تلاش میں ہوں ملا نہیں ہوں
سوال یہ ہے کہ میں کہیں ہوں بھی یا نہیں ہوں
یہ میرے ہونے سے اور نہ ہونے سے منکشف ہے
کہ رزم ہستی میں کیا ہوں میں اور کیا نہیں ہوں
میں شب نژادوں میں صبح فردا کی آرزو ہوں
میں اپنے امکاں میں روشنی ہوں صبا نہیں ہوں
گلاب کی طرح عشق میرا مہک رہا ہے
مگر ابھی اس کی کشت دل میں کھلا نہیں ہوں
نہ جانے کتنے خداؤں کے درمیاں ہوں لیکن
ابھی میں اپنے ہی حال میں ہوں خدا نہیں ہوں
کبھی تو اقبال مند ہوگی مری محبت
نہیں ہے امکاں کوئی مگر مانتا نہیں ہوں
ہواؤں کی دسترس میں کب ہوں جو بجھ رہوں گا
میں استعارہ ہوں روشنی کا دیا نہیں ہوں
میں اپنی ہی آرزو کی چشم ملال میں ہوں
کھلا ہے در خواب کا مگر دیکھتا نہیں ہوں
ادھر تسلسل سے شب کی یلغار ہے ادھر میں
بجھا نہیں ہوں بجھا نہیں ہوں بجھا نہیں ہوں
بہت ضروری ہے عہد نو کو جواب دینا
سو تیکھے لہجے میں بولتا ہوں خفا نہیں ہوں
پیرزادہ قاسم
Main kab se apni talash mein hoon mila nahin hoon
Main kab se apni talash mein hoon mila nahin hoon
Sawāl yeh hai ke main kahin hoon bhi ya nahin hoon
Yeh mere hone se aur na hone se munkashif hai
Ke razm-e-hasti mein kya hoon main aur kya nahin hoon
Main shab nizaadon mein subh-e-farda ki aarzoo hoon
Main apne imkaan mein roshni hoon saba nahin hoon
Gulab ki tarah ishq mera mahak raha hai
Magar abhi us ki kasht-e-dil mein khula nahin hoon
Na jane kitne khudao'n ke darmiyan hoon lekin
Abhi main apne hi haal mein hoon Khuda nahin hoon
Kabhi to iqbal mand hogi meri mohabbat
Nahin hai imkaan koi magar manta nahin hoon
Hawao'n ki dastaras mein kab hoon jo bujh rahunga
Main isti'aara hoon roshni ka diya nahin hoon
Main apni hi aarzoo ki chashm-e-malal mein hoon
Khula hai dar-e-khwab ka magar dekhta nahin hoon
Idhar tasalsul se shab ki yalghar hai udhar main
Bujha nahin hoon bujha nahin hoon bujha nahin hoon
Bahut zaroori hai ahd-e-nau ko jawab dena
So teekhe lahje mein bolta hoon khafa nahin hoon
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں