مرا جہاں ابھی میرا جہاں بنا ہی نہیں — پیرزادہ قاسم
شاعر
مرا جہاں ابھی میرا جہاں بنا ہی نہیں
مرا جہاں ابھی میرا جہاں بنا ہی نہیں
زمیں بنی ہی نہیں آسماں بنا ہی نہیں
ہزار سبز سہی رائیگاں سی لگتی ہے
وہ شاخ جس پہ کبھی آشیاں بنا ہی نہیں
کوئی بھی صورت حالات دیر پا نہ ہوئی
جو غم عزیز ہوا جاوداں بنا ہی نہیں
جس انقلاب کی سرخی مرے لہو نے لکھی
وہ انقلاب مری داستاں بنا ہی نہیں
بہت سی اور بھی شرطیں ہیں کارواں کے لیے
ہجوم سے تو کبھی کارواں بنا ہی نہیں
پیرزادہ قاسم
Mera jahan abhi mera jahan bana hi nahin
Mera jahan abhi mera jahan bana hi nahin
Zameen bani hi nahin aasman bana hi nahin
Hazaar sabz sahi raayegan si lagti hai
Woh shaakh jis pe kabhi aashiyan bana hi nahin
Koi bhi soorat-e-halat der pa na hui
Jo gham azeez hua jawedaan bana hi nahin
Jis inqilaab ki surkhi mere lahu ne likhi
Woh inqilaab meri dastaan bana hi nahin
Bohat si aur bhi shartein hain karwaan ke liye
Hujoom se to kabhi karwaan bana hi nahin
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں