میان کار فن لفظوں کی قسمت جاگ اٹھتی ہے — پیرزادہ قاسم
شاعر
میان کار فن لفظوں کی قسمت جاگ اٹھتی ہے
میان کار فن لفظوں کی قسمت جاگ اٹھتی ہے
غزل تخلیق کرتا ہوں محبت جاگ اٹھتی ہے
بہت مسرور رہتا ہوں بہت چہرہ سجاتا ہوں
مگر آئینے میں اک اور صورت جاگ اٹھتی ہے
میں کتنی بار دنیا تج کے جا بیٹھا ہوں گوشے میں
مگر ہر بار دنیا کی ضرورت جاگ اٹھتی ہے
عجب دیکھا کرشمہ لفظ کی بازی گری کا بھی
سخن معدوم ہو جاتا ہے شہرت جاگ اٹھتی ہے
محبت اس طرح تو منقلب ہوتے نہ دیکھی تھی
ذرا بے اعتباری ہو تو نفرت جاگ اٹھتی ہے
پیرزادہ قاسم
Miyan-e-kaar-e-fan lafzon ki qismat jaag uthti hai
Miyan-e-kaar-e-fan lafzon ki qismat jaag uthti hai
Ghazal takhleeq karta hun mohabbat jaag uthti hai
Bahut masroor rehta hun bahut chehra sajata hun
Magar aaine mein ik aur surat jaag uthti hai
Maiñ kitni baar duniya taj ke ja baitha hun goshe mein
Magar har baar duniya ki zarurat jaag uthti hai
Ajab dekha karishma lafz ki baazi-gari ka bhi
Sukhan maadoom ho jaata hai shohrat jaag uthti hai
Mohabbat is tarah to munqalib hote na dekhi thi
Zara be-etibaari ho to nafrat jaag uthti hai
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں