نظر میں نت نئی حیرانیاں لیے پھریے — پیرزادہ قاسم
شاعر
نظر میں نت نئی حیرانیاں لیے پھریے
نظر میں نت نئی حیرانیاں لیے پھریے
سروں پہ روز نیا آسماں لیے پھریے
اب اس فضا کی کثافت میں کیوں اضافہ ہو
غبار دل ہے سو دل میں نہاں لیے پھریے
یہی بچا ہے سو اب زیست کی گواہی میں
یہی نشان دل بے نشاں لیے پھریے
قرار جاں تو سر کوئے یار چھوڑ آئے
متاع زیست ہے لیکن کہاں لیے پھریے
عجب ہنر ہے کہ دانشوری کے پیکر میں
کسی کا ذہن کسی کی زباں لیے پھریے
پیرزادہ قاسم
Nazar Mein Nit Nayi Hairaniyan Liye Pheriye
Nazar mein nit nayi hairaniyan liye pheriye
Saron pe roz naya aasmaan liye pheriye
Ab is fiza ki kasafat mein kyon izafa ho
Ghubaar-e-dil hai so dil mein nihan liye pheriye
Yahi bacha hai so ab zeest ki gawahi mein
Yahi nishan-e-dil-e-be-nishan liye pheriye
Qarar-e-jaan to sar-e-kuye-yar chhod aaye
Mataa-e-zeest hai lekin kahan liye pheriye
Ajab hunar hai ke danishwari ke paikar mein
Kisi ka zehn kisi ki zubaan liye pheriye
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں