روح گر نوحہ کناں ہو تو غزل ہوتی ہے — پیرزادہ قاسم
شاعر
روح گر نوحہ کناں ہو تو غزل ہوتی ہے
روح گر نوحہ کناں ہو تو غزل ہوتی ہے
دل کو احساس زیاں ہو تو غزل ہوتی ہے
محفل ماہ وشاں میں تو غزل ہو نہ سکی
بزم آشفتہ سراں ہو تو غزل ہوتی ہے
صرف آنکھوں میں نمی سے نہ بنے گی کوئی بات
ایک دریا سا رواں ہو تو غزل ہوتی ہے
میں نے محسوس کیا ہے کہ کسی کی وہ نظر
میری جانب نگراں ہو تو غزل ہوتی ہے
دھیمے دھیمے سے سلگتے ہوئے جذبات کے ساتھ
میرؔ کا طرز بیاں ہو تو غزل ہوتی ہے
پیرزادہ قاسم
Rooh gar noha kunaan ho to ghazal hoti hai
Rooh gar noha kunaan ho to ghazal hoti hai
Dil ko ehsas-e-ziyan ho to ghazal hoti hai
Mehfil-e-mah-washa'n mein to ghazal ho na saki
Bazm-e-aashufta-saran ho to ghazal hoti hai
Sirf aankhon mein nami se na banegi koi baat
Ek darya sa rawaan ho to ghazal hoti hai
Main ne mehsoos kiya hai ke kisi ki woh nazar
Meri jaanib nigehbaan ho to ghazal hoti hai
Dheeme dheeme se sulagte hue jazbaat ke saath
Meer ka tarz-e-bayan ho to ghazal hoti hai
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں