سانحہ نہیں ٹلتا سانحے پہ رونے سے — پیرزادہ قاسم
شاعر
سانحہ نہیں ٹلتا سانحے پہ رونے سے
سانحہ نہیں ٹلتا سانحے پہ رونے سے
حبس جاں نہ کم ہوگا بے لباس ہونے سے
اب تو میرا دشمن بھی میری طرح روتا ہے
کچھ گلے تو کم ہوں گے ساتھ ساتھ رونے سے
متن زیست تو سارا بے نمود لگتا ہے
درد بے نہایت کا حاشیہ نہ ہونے سے
سچے شعر کا کھلیان اور بھرتا جاتا ہے
درد کی زمینوں میں غم کی فصل بونے سے
حادثات پیہم کا یہ مآل ہے شاید
کچھ سکون ملتا ہے اب سکون کھونے سے
پیرزادہ قاسم
Saneha nahin talta sanhe pe rone se
Saneha nahin talta sanhe pe rone se
Habs-e-jaan na kam hoga be-libas hone se
Ab to mera dushman bhi meri tarah rota hai
Kuch gile to kam honge saath saath rone se
Matan-e-zeest to sara be-namood lagta hai
Dard-e-be-nihayat ka hashiya na hone se
Sacche sh'er ka khalyaan aur bharta jata hai
Dard ki zameeno'n mein gham ki fasl bone se
Hadisaat-e-paiham ka yeh ma'al hai shayad
Kuch sukoon milta hai ab sukoon khone se
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں