شکست دل میں بھی اک زندگی نظر آئی — پیرزادہ قاسم
شاعر
شکست دل میں بھی اک زندگی نظر آئی
شکست دل میں بھی اک زندگی نظر آئی
دیا بجھا تو ہمیں روشنی نظر آئی
فراز دار پہ کوئی ہمیں نہ پہچانا
زمانے والوں کو خوش قامتی نظر آئی
سر دیار وفا دوستوں کے جھرمٹ میں
دریدہ جسم لیے دوستی نظر آئی
اب اور طرز سے نقارۂ خدا گونجے
زبان خلق تو خاموش ہی نظر آئی
وہ رکھ رکھاؤ نہ دیکھا دیے کے جلنے میں
جو اس کے بجھنے میں شائستگی نظر آئی
پیرزادہ قاسم
Shikast-e-dil mein bhi ik zindagi nazar aayi
Shikast-e-dil mein bhi ik zindagi nazar aayi
Diya bujha to humein roshni nazar aayi
Faraz-e-daar pe koi humein na pehchana
Zamaane waalon ko khush-qaamati nazar aayi
Sar-e-dayar-e-wafa doston ke jhurmut mein
Dareeda jism liye dosti nazar aayi
Ab aur tarz se naqqara-e-Khuda goonje
Zabaan-e-khalq to khamosh hi nazar aayi
Woh rakh-rakhao na dekha diye ke jalne mein
Jo us ke bujhne mein shaistagi nazar aayi
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں