اس کی خواہش ہے یہی حرف وضاحت کے بغیر — پیرزادہ قاسم
شاعر
اس کی خواہش ہے یہی حرف وضاحت کے بغیر
اس کی خواہش ہے یہی حرف وضاحت کے بغیر
اب کوئی خواب بھی دیکھے نہ اجازت کے بغیر
ہم کو ڈھونڈو تو ہمیں کھونے کی خاطر ڈھونڈو
خواب تعبیر نہیں ہوتے ہیں حسرت کے بغیر
دل کو اک کار مسلسل نے رکھا ہے آباد
ایک لمحہ بھی نہیں گزرا محبت کے بغیر
یوں بھی دشوار ہے آسودۂ صحرا ہونا
اور جب خاک بھی ہو جانا ہو وحشت کے بغیر
وقت سفاک ہے اتنا کبھی سوچا بھی نہ تھا
ہم اسے یاد نہ کر پائیں گے زحمت کے بغیر
ہم ترے قریۂ جاں تاب میں اتنا ٹھہرے
یعنی اک لمحہ گزار آئے ہیں عجلت کے بغیر
اب تو ہم خود سے بھی کم کم ہی ملا کرتے ہیں
کسی خواہش سے الگ اور ضرورت کے بغیر
پیرزادہ قاسم
Uss ki khwahish hai yahi harf-e-wazahhat ke baghair
Uss ki khwahish hai yahi harf-e-wazahhat ke baghair
Ab koi khwab bhi dekhe na ijazat ke baghair
Hum ko dhoondo to hamein khone ki khatir dhoondo
Khwab ta'beer nahin hote hain hasrat ke baghair
Dil ko ek kaar-e-musalsal ne rakha hai aabad
Ek lamha bhi nahin guzra mohabbat ke baghair
Yoon bhi dushwar hai aasooda-e-sehra hona
Aur jab khaak bhi ho jaana ho wahshat ke baghair
Waqt saffak hai itna kabhi socha bhi na tha
Hum usay yaad na kar payenge zehmat ke baghair
Hum tere qarya-e-jaan taab mein itna thehre
Yaani ek lamha guzaar aaye hain ijlat ke baghair
Ab to hum khud se bhi kam kam hi mila karte hain
Kisi khwahish se alag aur zaroorat ke baghair
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں