اٹھ رہا ہے آشیانوں سے دھواں دیکھے گا کون — پیرزادہ قاسم
شاعر
اٹھ رہا ہے آشیانوں سے دھواں دیکھے گا کون
اٹھ رہا ہے آشیانوں سے دھواں دیکھے گا کون
ہے مگر تعبیر خواب رائیگاں دیکھے گا کون
جل رہی ہے دل میں اک آفاق سے رشتے کی لو
جیسے ہم دیکھے ہیں سوئے آسماں دیکھے گا کون
تو بہت آئندگاں کا کھینچتا ہے انتظار
بے خبر وہ رونق آئندگاں دیکھے گا کون
ایک احساس شکست شب بہت روشن مگر
بے کراں اس بے حسی کے درمیاں دیکھے گا کون
آرزو کا اک جہان تازہ بھی منظر میں ہے
میں جسے پہچانتا ہوں وہ جہاں دیکھے گا کون
راستے روشن بہت کرتا رہا ہوں زیر پا
دور تک پھیلے ہیں قدموں کے نشاں دیکھے گا کون
داد جانکاہی کی کس سے پائیں اب اہل ہنر
خوں چکیدہ خامہ رستی انگلیاں دیکھے گا کون
دیکھتے ہیں سب فروع شوق کی زیبائشیں
کم نہیں کچھ یہ مآل شوق ہاں دیکھے گا کون
رفتہ رفتہ ہو رہے گا زخم دل کا اندمال
بجھتے بجھتے بجھ ہی جائے گی فغاں دیکھے گا کون
دیکھ دل میں ہو رہا ہے اک نیا منظر طلوع
جو ادھر بکھری پڑی ہے کہکشاں دیکھے گا کون
پیرزادہ قاسم
Uthh raha hai aashiyanon se dhuan dekhe ga kaun
Uthh raha hai aashiyanon se dhuan dekhe ga kaun
Hai magar ta'beer-e-khwab raaigan dekhe ga kaun
Jal rahi hai dil mein ik afaaq se rishte ki lau
Jaise hum dekhe hain suay asmaan dekhe ga kaun
Tu bahut aaindgaan ka khainchta hai intezar
Be khabar woh raunaq-e-aaindgaan dekhe ga kaun
Ek ehsaas-e-shikast-e-shab bahut roshan magar
Be karaan iss be-hisi ke darmiyan dekhe ga kaun
Aarzoo ka ik jahan taza bhi manzar mein hai
Main jise pehchanta hoon woh jahan dekhe ga kaun
Raaste roshan bahut karta raha hoon zer-e-pa
Door tak phhaile hain qadmon ke nishaan dekhe ga kaun
Daad-e-jaankahi ki kis se paayein ab ahl-e-hunar
Khoon chakeeda khama rast-e-ungliyan dekhe ga kaun
Dekhte hain sab furoo'-e-shauq ki zebaaishein
Kam nahin kuchh yeh ma'al-e-shauq haan dekhe ga kaun
Rafta rafta ho rahe ga zakhm-e-dil ka indmaal
Bujhte bujhte bujh hi jae gi fughaan dekhe ga kaun
Dekh dil mein ho raha hai ik naya manzar taloo'a
Jo idhar bikhri padi hai kahkashaan dekhe ga kaun
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں