وہ ایک خواب جو دیکھا گیا تھا عجلت میں — پیرزادہ قاسم
شاعر
وہ ایک خواب جو دیکھا گیا تھا عجلت میں
وہ ایک خواب جو دیکھا گیا تھا عجلت میں
اسی کا کرب سمیٹا ہے آج فرصت میں
یہ بات سچ ہے کہ بیگار تو نہیں یہ حیات
کہ ہم کو زخم تمنا ملے ہیں اجرت میں
زیاں یہی ہے کہ کچھ اور سوجھتا ہی نہیں
بس ایک دھیان میں رہتے ہیں لوگ شہرت میں
ہنر کہو کہ کرامت مگر یہی ہے کہ ہم
خوشی کو ڈھال بھی سکتے ہیں غم کی صورت میں
زمین جیتی ہے یا سرزمین دل اس نے
سوال تشنہ رہا جشن فتح و نصرت میں
پیرزادہ قاسم
Wo Ek Khwab Jo Dekha Gaya Tha Ajlat Mein
Wo ek khwab jo dekha gaya tha ajlat mein
Usi ka karb sameeta hai aaj fursat mein
Ye baat sach hai ke begaar to nahin ye hayat
Ke hum ko zakhm-e-tamanna mile hain ujrat mein
Ziyan yahi hai ke kuch aur soojhta hi nahin
Bas ek dhyan mein rehte hain log shohrat mein
Hunar kaho ke karamat magar yahi hai ke hum
Khushi ko dhaal bhi sakte hain gham ki surat mein
Zameen jeeti hai ya sarzamin-e-dil us ne
Sawal tashna raha jashn-e-fatah-o-nusrat mein
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں