یاد کیا دست ہنر ہے کہ سنورتا گیا میں — پیرزادہ قاسم
شاعر
یاد کیا دست ہنر ہے کہ سنورتا گیا میں
یاد کیا دست ہنر ہے کہ سنورتا گیا میں
اس کو سوچا تو اسے یاد ہی کرتا گیا میں
اس کو تہذیب جنوں کہیے کہ مجھ سے پہلے
جیسے بکھرے ہیں سبھی لوگ بکھرتا گیا میں
نقش کتنے تھے کہ معدوم ہوئے سلسلہ وار
اور ہر نقش کے پہلے سے ابھرتا گیا میں
ایک تصویر بنائی تھی مکمل نہ ہوئی
ایک ہی رنگ لہو رنگ تھا بھرتا گیا میں
حرف اقرار ہی کہتا رہا بے خوفی سے
یعنی انکار کے آشوب سے ڈرتا گیا میں
دامن وقت سے سو حرف ستائش بھی چنے
اور الزام سبھی وقت پہ دھرتا گیا میں
اپنے اندر کے تلاطم نے رکھا ہے آباد
خود ہی اقرار کیا خود ہی مکرتا گیا میں
مجھ میں ہر لمحہ فزوں تر ہوا اندوہ جمال
اور تصویر کے مانند سنورتا گیا میں
ہر نفس بڑھتا گیا اس کی تمنا کا خروش
لمحہ لمحہ اسی وحشت میں نکھرتا گیا میں
زندگی کوئے ملامت ہے کوئی کیا ٹھہرے
اپنی ہی وضع کا میں ہوں سو ٹھہرتا گیا میں
پیرزادہ قاسم
Yaad kya dast-e-hunar hai ke sanwarta gaya main
Yaad kya dast-e-hunar hai ke sanwarta gaya main
Uss ko socha to usay yaad hi karta gaya main
Uss ko tehzeeb-e-junoon kahiye ke mujh se pehle
Jaise bikhre hain sabhi log bikharta gaya main
Naqsh kitne the ke ma'doom hue silsila waar
Aur har naqsh ke pehle se ubharta gaya main
Ek tasveer banai thi mukammal na hui
Ek hi rang lahu rang tha bharta gaya main
Harf-e-iqraar hi kehta raha be-khaufi se
Yaani inkaar ke aashob se darta gaya main
Daman-e-waqt se so harf-e-sataish bhi chune
Aur ilzaam sabhi waqt pe dharta gaya main
Apne andar ke talatum ne rakha hai aabad
Khud hi iqraar kiya khud hi mukarta gaya main
Mujh mein har lamha fuzoon tar hua andoh-e-jamal
Aur tasveer ke manind sanwarta gaya main
Har nafas badhta gaya uss ki tamanna ka khurosh
Lamha lamha isi wahshat mein nikharta gaya main
Zindagi koo-e-malāmat hai koi kya thehre
Apni hi waza ka main hoon so theharta gaya main
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں