یہ بھی کیا کم ہے کہ ہم بیتاب حالت میں رہے — پیرزادہ قاسم
شاعر
یہ بھی کیا کم ہے کہ ہم بیتاب حالت میں رہے
یہ بھی کیا کم ہے کہ ہم بیتاب حالت میں رہے
بن نہ پائے کچھ بھی لیکن دست قدرت میں رہے
ہم کو آنکھوں میں بسایا وقت نے مانند خواب
اور ہم تعبیر ہو جانے کی حسرت میں رہے
ہم نے صحرا ہو کہ گلشن ایک جیسا کر دیا
جس ٹھکانے بھی رہے زنجیر وحشت میں رہے
اب صلہ حسن عمل کا کیا ملا کیا جانیے
روشنی تھے ہم سو شعلے کی رفاقت میں رہے
خلوت جاں میں بڑی فرصت سے آ بیٹھا ہے غم
عرصۂ فرصت ملا تو ہم بھی فرصت میں رہے
پیرزادہ قاسم
Ye Bhi Kya Kam Hai Ke Hum Betaab Halat Mein Rahe
Ye bhi kya kam hai ke hum betaab halat mein rahe
Ban na paaye kuch bhi lekin dast-e-qudrat mein rahe
Hum ko aankhon mein basaya waqt ne manind-e-khwab
Aur hum taabeer ho jaane ki hasrat mein rahe
Hum ne sahra ho ke gulshan ek jaisa kar diya
Jis thikane bhi rahe zanjeer-e-wahshat mein rahe
Ab sila husn-e-amal ka kya mila kya janiye
Roshni the hum so shole ki rifaqat mein rahe
Khalwat-e-jaan mein badi fursat se aa baitha hai gham
Arsa-e-fursat mila to hum bhi fursat mein rahe
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں