یہ حادثہ مجھے حیران کر گیا سر شام — پیرزادہ قاسم
شاعر
یہ حادثہ مجھے حیران کر گیا سر شام
یہ حادثہ مجھے حیران کر گیا سر شام
جو زخم صبح ملا تھا وہ بھر گیا سر شام
ملے تھے ہم کہیں کار جہاں کے میلے میں
اسے بھی جلدی تھی اور میں بھی گھر گیا سر شام
یہ آج کس کو اچانک مرا خیال آیا
چراغ راہ میں یہ کون دھر گیا سر شام
خیال یار کی فرصت بھی اب کسے ہے نصیب
یہ پھول صبح کھلا اور بکھر گیا سر شام
تمام دن کی تھکن سے میں بجھ رہا تھا مگر
کسی کی یاد کا چہرہ نکھر گیا سر شام
شب فراق کا احوال یاد آ ہی گیا
پھر ایک تیر سا دل میں اتر گیا سر شام
یہ صبح و شام مرے اس قدر ہی میرے ہیں
کہ جی اٹھا ہوں سحر دم تو مر گیا سر شام
پیرزادہ قاسم
Ye Hadsa Mujhe Hairan Kar Gaya Sar-e-Shaam
Ye hadsa mujhe hairan kar gaya sar-e-shaam
Jo zakhm subh mila tha wo bhar gaya sar-e-shaam
Mile the hum kahin kar-e-jahan ke mele mein
Use bhi jaldi thi aur main bhi ghar gaya sar-e-shaam
Ye aaj kis ko achaanak mera khayal aaya
Chiragh raah mein ye kaun dhar gaya sar-e-shaam
Khayal-e-yar ki fursat bhi ab kise hai naseeb
Ye phool subh khila aur bikhar gaya sar-e-shaam
Tamaam din ki thakan se main bujh raha tha magar
Kisi ki yaad ka chehra nikhar gaya sar-e-shaam
Shab-e-firaq ka ahwaal yaad aa hi gaya
Phir ek teer sa dil mein utar gaya sar-e-shaam
Ye subh-o-sham mere is qadar hi mere hain
Ke ji uttha hun sahar-dam to mar gaya sar-e-shaam
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں