زخم دبے تو پھر نیا تیر چلا دیا کرو — پیرزادہ قاسم
شاعر
زخم دبے تو پھر نیا تیر چلا دیا کرو
زخم دبے تو پھر نیا تیر چلا دیا کرو
دوستو اپنا لطف خاص یاد دلا دیا کرو
ایک علاج دائمی ہے تو برائے تشنگی
پہلے ہی گھونٹ میں اگر زہر ملا دیا کرو
شہر طلب کرے اگر تم سے علاج تیرگی
صاحب اختیار ہو آگ لگا دیا کرو
مقتل غم کی رونقیں ختم نہ ہونے پائیں گی
کوئی تو آ ہی جائے گا روز صدا دیا کرو
جذبۂ خاک پروری اور سکون پائے گا
خاک کرو ہمیں تو پھر خاک اڑا دیا کرو
پیرزادہ قاسم
Zakhm dabbe to phir naya teer chala diya karo
Zakhm dabbe to phir naya teer chala diya karo
Dosto apna lutf-e-khas yaad dila diya karo
Ek ilaj-e-daaimi hai to baraye tashnagi
Pehle hi ghoont mein agar zehr mila diya karo
Shehr talab kare agar tum se ilaj-e-teergi
Sahib-e-ikhtiyar ho aag laga diya karo
Maqtal-e-gham ki raunqein khatm na hone payein gi
Koi to aa hi jayega roz sada diya karo
Jazba-e-khaak parwari aur sukoon payega
Khaak karo hamein to phir khaak uda diya karo
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں