زندگی کے دامن میں رنگ و نور و نکہت کیا — پیرزادہ قاسم
شاعر
زندگی کے دامن میں رنگ و نور و نکہت کیا
زندگی کے دامن میں رنگ و نور و نکہت کیا
خواب ہی تو دیکھا ہے خواب کی حقیقت کیا
دل بھی قفل ابجد ہے ایک نام پوچھے ہے
جان لے تو کھل جائے آخر اس میں حیرت کیا
آپ کے رویہ پر خوش گمانیاں کیسی
کوئی مصلحت ہوگی ورنہ یہ عنایت کیا
چوب خشک صحرا ہوں اور آرزو گل کی
سادگی سے بڑھ کر بھی ہے کوئی حماقت کیا
پاس کا اندھیرا بھی آس کا اجالا بھی
لوگ اسی کو کہتے ہیں جھٹپٹے کی ساعت کیا
پیرزادہ قاسم
Zindagi ke daaman mein rang-o-noor-o-nukhat kya
Zindagi ke daaman mein rang-o-noor-o-nukhat kya
Khwab hi toh dekha hai khwab ki haqeeqat kya
Dil bhi qafl-e-abjad hai ek naam poochhe hai
Jaan le toh khul jaye aakhir iss mein hairat kya
Aap ke ravaiye par khush-gumaniyaan kaisi
Koi maslahat hogi warna yeh inayat kya
Choob-e-khushk-e-sahra hoon aur aarzoo gul ki
Saadgi se badh kar bhi hai koi hamaqat kya
Paas ka andhera bhi aas ka ujaala bhi
Log isi ko kehte hain jhatpatte ki saa'at kya
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں