زندگی نے جھیلے ہیں سب عذاب دنیا کے — پیرزادہ قاسم
شاعر
زندگی نے جھیلے ہیں سب عذاب دنیا کے
زندگی نے جھیلے ہیں سب عذاب دنیا کے
بس رہے ہیں آنکھوں میں پھر بھی خواب دنیا کے
دل بجھے تو تاریکی دور پھر نہیں ہوتی
لاکھ سر پہ آ پہنچیں آفتاب دنیا کے
دشت بے نیازی ہے اور میں ہوں اب لوگو
اس جگہ نہیں آتے باریاب دنیا کے
زندگی سے گزرا ہوں کتنا بے نیازانہ
ساتھ ساتھ چلتے تھے انقلاب دنیا کے
ہم نے دست دنیا پر پھر بھی کی نہیں بیعت
جانتے تھے ہم تیور ہیں خراب دنیا کے
پیرزادہ قاسم
Zindagi Ne Jheele Hain Sab Azab-e-Duniya Ke
Zindagi ne jheele hain sab azab-e-duniya ke
Bas rahe hain aankhon mein phir bhi khwab-e-duniya ke
Dil bujhe to tareeki duur phir nahin hoti
Lakh sar pe aa pahunchein aaftab-e-duniya ke
Dasht-e-be-niyazi hai aur main hun ab logo
Is jagah nahin aate baaryab-e-duniya ke
Zindagi se guzra hun kitna be-niyazana
Saath saath chalte the inqilab-e-duniya ke
Hum ne dast-e-duniya par phir bhi ki nahin baiat
Jaante the hum tewar hain kharab-e-duniya ke
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں