آنکھوں میں خواب اور رگ و پے میں خوں نہیں — سلیم فگار
شاعر
آنکھوں میں خواب اور رگ و پے میں خوں نہیں
آنکھوں میں خواب اور رگ و پے میں خوں نہیں
لیلیٰ و دشت ہے مگر اب وہ جنوں نہیں
یہ اضطراب اور بھی بڑھتا ہے روح میں
اب خواب میں بھی مجھ کو میسر سکوں نہیں
تنکا سا بن کے رہ گئے ہیں سطح آب پر
ہم بہنا چاہتے تھے اے دریا پہ یوں نہیں
خالی پڑی ہوئی ہے مری کائنات دل
غم بھی کوئی بچا ہوا اب کے دروں نہیں
طوفان و برشگال سے گو پرزہ پرزہ ہے
کشتی کا بادبان مگر سر نگوں نہیں
آواز مر رہی ہے مگر شہر میں فگارؔ
کوئی ملول حرف کی میت پہ کیوں نہیں
سلیم فگار
Aankhon mein khwaab aur rag-o-pe mein khoon nahin
Aankhon mein khwaab aur rag-o-pe mein khoon nahin
Laila o dasht hai magar ab woh junoon nahin
Yeh iztiraab aur bhi barhta hai rooh mein
Ab khwaab mein bhi mujh ko mayassar sakoon nahin
Tinka sa ban ke reh gaye hain satah-e-aab par
Hum behna chahte the ae darya yeh yoon nahin
Khaali padi hui hai meri kayanat-e-dil
Gham bhi koi bacha hua ab ke daroon nahin
Toofan-o-barshagaal se go purza purza hai
Kashti ka baadbaan magar sar-nigoon nahin
Aawaaz mar rahi hai magar shahar mein fighaar
Koi malool harf ki mayyat pe kyun nahin
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں