زمیں زاد — سلیم فگار
شاعر
زمیں زاد
جنون حاکمیت خود پسندی کا یہ لاوا
کیوں ابلتا اور بہتا جا رہا ہے
ساری دھرتی پر
کہاں سے حکم آتا ہے
یہ کیسی سوچ کے پیرائے میں
تم ڈھالے جاتے ہو
کہ نفرت اور گہری ہو رہی ہے
زمیں زادو
بدن دھرتی میں بونے سے
فقط قبریں ہی اگتی ہیں
لہو بہتا رہا تو
مہر و وفا احساس کے
سب بہتے دریا سوکھ جائیں گے
زمیں زادو
یہ کیسے خوف کے اندھے کنوئیں میں
قید ہیں سارے
کہ اک دوجے سے بچنے کے لیے
ہم بم بناتے ہیں
اور اک دوجے پہ شب کی تیرگی میں
وار کرتے ہیں
زمیں زادو
زمیں تقسیم کر کے
سرحدیں کس نے بنائی ہیں
وہ دن بھی آنے والا ہے
پرندوں کے لئے بھی
جب کوئی قانون آئے گا
سپاہی فاختاؤں کے پروں کو بھی ٹٹولیں گے
پرندے دل میں سوچیں گے
ہمیں انسان نے
کیوں اپنی صف میں کر لیا شامل
یہ کس نے حق دیا ہے اس کو
ہمیں اپنی طرح سمجھے
ہمیں اپنی طرح سوچے
زمیں زادو
خلا کا زخم بڑھتا جا رہا ہے
پہاڑوں کی سفیدی میں پگھل کر
اب ندی کی آنکھ سی بہنے لگی
کبھی منظر دھوئیں میں
قید ہوتے جا رہے ہیں
زمیں زادو
گلوں سے تتلیاں اور تتلیوں سے باغ مت چھنیو
کہ اب تو شرم آتی ہے
مری پہچان ہونے پر
مجھے انسان ہونے پر
زمیں زادو
سلیم فگار
Zameen Zaad
Junoon-e-haakimiyat khud pasandi ka yeh lava
Kyun ubalta aur behta ja raha hai
Saari dharti par
Kahan se hukm aata hai
Yeh kaisi soch ke piraaye mein
Tum dhaale jaate ho
Ke nafrat aur gehri ho rahi hai
Zameen Zaado
Badan dharti mein bone se
Faqat qabrein hi ugti hain
Lahoo behta raha to
Mehr-o-wafa ehsaas ke
Sab behte darya sookh jaayenge
Zameen Zaado
Yeh kaise khauf ke andhe kunwein mein
Qaid hain saare
Ke ek dooje se bachne ke liye
Hum bum banate hain
Aur ek dooje pe shab ki teergi mein
Waar karte hain
Zameen Zaado
Zameen taqseem kar ke
Sarhaden kis ne banaayi hain
Woh din bhi aane wala hai
Parindon ke liye bhi
Jab koi qanoon aayega
Sipaahi faakhtaon ke paron ko bhi tatolenge
Parinde dil mein sochenge
Humein insaan ne
Kyun apni saf mein kar liya shaamil
Yeh kis ne haq diya hai us ko
Humein apni tarah samjhe
Humein apni tarah soche
Zameen Zaado
Khalaa ka zakhm barhta ja raha hai
Pahaadon ki safedi mein pighal kar
Ab nadi ki aankh si behne lagi
Kabhi manzar dhuwen mein
Qaid hote ja rahe hain
Zameen Zaado
Gulon se tittliyan aur tittliyon se baagh mat chheeno
Ke ab to sharm aati hai
Meri pehchaan hone par
Mujhe insaan hone par
Zameen Zaado
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں