شفیق موسموں کو ہم نے رو سیاہ کیا — سلیم فگار
شاعر
شفیق موسموں کو ہم نے رو سیاہ کیا
شفیق موسموں کو ہم نے رو سیاہ کیا
زمیں کو گردشوں کا مرکز نگاہ کیا
پکڑ کے خود کو گلے سے سوال کرتا ہوں
ہرا بھرا یہ جہاں کس لیے تباہ کیا
جبیں کو چوم کے میں نے الوہی لمحوں میں
تمہارے دل کو محبت کی بارگاہ کیا
عذاب آ گیا سر پر تو اب گلہ کیسا
تمہیں ہوا نے کئی بار انتباہ کیا
بنائیں ہاتھ کو کاسہ تو حیرتیں کیسی
ہمی نے دزد فقیروں کو بادشاہ کیا
مراد مانگتی ہیں روز چوم کر چہرہ
جوان بیٹوں کو ماؤں نے خانقاہ کیا
سلیم فگار
Shafiq mausamon ko hum ne ro siyah kiya
Shafiq mausamon ko hum ne ro siyah kiya
Zameen ko gardishon ka markaz-e-nigah kiya
Pakad ke khud ko gale se sawal karta hoon
Hara bhara yeh jahaan kis liye tabah kiya
Jabeen ko choom ke main ne ilahi lamhon mein
Tumhare dil ko mohabbat ki bargah kiya
Azaab aa gaya sar par to ab gila kaisa
Tumhein hawa ne kai baar intibah kiya
Banaaen haath ko kaasa to hairatein kaisi
Hami ne duzd faqiron ko baadshah kiya
Muraad maangti hain roz choom kar chehra
Jawaan beton ko maaon ne khanqah kiya
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں