در و دیوار سب اوندھے گریں گے — سلیم فگار
شاعر
در و دیوار سب اوندھے گریں گے
در و دیوار سب اوندھے گریں گے
پرانے گھر ہمیں روتے رہیں گے
بقا کے شہر میں جانے سے پہلے
ہم اپنے جسم کے اندر مریں گے
شعور و حرف بھی جو چھن گئے تو
اکیلے دشت میں ہم کیا کریں گے
کہاں تک جسم کے دے کر نوالے
زمیں کا پیٹ ہم بھرتے رہیں گے
سحر کی روشنی پھوٹے نہ جب تک
اندھیری شب کی آنکھوں میں جلیں گے
ہمارے بعد اس کمرے کے شاید
یہ پردے دیر تک ہلتے رہیں گے
میں لوٹا تو شجر دریا پرندے
خوشی سے میرا ماتھا چوم لیں گے
فگارؔ اک دن مرے پیروں کے چھالے
جو پھوٹے تو نئے رستے بنیں گے
سلیم فگار
Dar-o-deewar sab aundhe girenge
Dar-o-deewar sab aundhe girenge
Purane ghar hamein rote rahenge
Baqa ke shehar mein jaane se pehle
Hum apne jism ke andar marenge
Shaoor-o-harf bhi jo chhin gaye to
Akele dasht mein hum kya karenge
Kahan tak jism ke de kar niwale
Zameen ka pet hum bharte rahenge
Sehar ki roshni phoote na jab tak
Andheri shab ki aankhon mein jalenge
Hamare baad is kamre ke shayad
Yeh parde der tak hilte rahenge
Main lauta to shajar darya parinde
Khushi se mera matha choom lenge
Fighaar! ek din mere pairon ke chhale
Jo phoote to naye raste banenge
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں