دید کے بدلے سدا دیدۂ تر رکھا ہے — سلیم فگار
شاعر
دید کے بدلے سدا دیدۂ تر رکھا ہے
دید کے بدلے سدا دیدۂ تر رکھا ہے
ہم کو کیوں راندۂ درگاہ نظر رکھا ہے
شب کی دہلیز سے اس سمت ہیں راہیں کیسی
پردۂ خواب میں یہ کیسا سفر رکھا ہے
سایۂ وصل محبت کی وہ خلوت نہ سہی
یہ بھی کافی ہے خیالوں میں گزر رکھا ہے
کتنے اوصاف مجھے اپنے عطا اس نے کئے
ذوق تخلیق دیا مجھ میں ہنر رکھا ہے
شاخ در شاخ تری یاد کی ہریالی ہے
ہم نے شاداب بہت دل کا شجر رکھا ہے
ہر گھڑی مجھ پہ نئے اور جہاں کھلتے ہیں
سو بھی جاؤں تو کھلا ذہن کا در رکھا ہے
اس کو قدرت ہے جسے جیسا بھی تخلیق کرے
شکر ہے اس کا مجھے اس نے بشر رکھا ہے
سلیم فگار
Deed ke badle sada deedah-e-tar rakha hai
Deed ke badle sada deedah-e-tar rakha hai
Hum ko kyun raandah-e-dargah-e-nazar rakha hai
Shab ki dehleez se is simt hain raahein kaisi
Pardah-e-khwab mein yeh kaisa safar rakha hai
Sayah-e-vasl-e-mohabbat ki woh khalwat na sahi
Yeh bhi kaafi hai khayalon mein guzar rakha hai
Kitne ausaaf mujhe apne ataa us ne kiye
Zauq-e-takhleeq diya mujh mein hunar rakha hai
Shakh dar shakh teri yaad ki hariyali hai
Hum ne shadab bahut dil ka shajar rakha hai
Har ghadi mujh pe naye aur jahan khulte hain
So bhi jaaun to khula zehn ka dar rakha hai
Us ko qudrat hai jise jaisa bhi takhleeq kare
Shukr hai us ka mujhe us ne bashar rakha hai
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں