اک لہر ملی اپنے بہاؤ سے نکل کر — سلیم فگار
شاعر
اک لہر ملی اپنے بہاؤ سے نکل کر
اک لہر ملی اپنے بہاؤ سے نکل کر
چوما ہے اسے میں نے بھی ناؤ سے نکل کر
میں سوچتا ہوں زخم اگر بھر گیا دل کا
یہ درد کہاں جائے گا گھاؤ سے نکل کر
بارانی علاقوں کی طرح آنکھوں کی عادت
ہم جائیں کہاں اپنے کٹاؤ سے نکل کر
میں دیکھتا ہوں اس لیے افلاک کی جانب
کتنا سفر ہے ارضی پڑاؤ سے نکل کر
روشن ہیں ترے شعلۂ صد رنگ میں ورنہ
ہم کب کے بجھے ہوتے الاؤ سے نکل کر
سلیم فگار
Ek lehar mili apne bahaao se nikal kar
Ek lehar mili apne bahaao se nikal kar
Chooma hai usey main ne bhi naa'o se nikal kar
Main sochta hoon zakhm agar bhar gaya dil ka
Yeh dard kahan jaayega ghaao se nikal kar
Barani ilaqon ki tarah aankhon ki aadat
Hum jaayen kahan apne kataao se nikal kar
Main dekhta hoon is liye aflaak ki jaanib
Kitna safar hai arzi padaao se nikal kar
Roshan hain tere shola sad rang mein varna
Hum kab ke bujhe hote alaao se nikal kar
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں