ہر تذکرہ کتاب میں تفصیل سے ہوا — سلیم فگار
شاعر
ہر تذکرہ کتاب میں تفصیل سے ہوا
ہر تذکرہ کتاب میں تفصیل سے ہوا
میرا سفر شروع ہی تکمیل سے ہوا
اس خاکداں پہ پھیلنے والا ہے ایک روز
جس قہر کا ظہور کبھی نیل سے ہوا
ہر سمت گھومتی تھی یہاں رات جا بجا
پھر دن تمہارے چہرۂ قندیل سے ہوا
اگتے ہیں ساحلوں پہ کسی پھول کی طرح
کیسا یہ عشق طائروں کو جھیل سے ہوا
یہ جو تمہیں خراب نظر آ رہا ہوں میں
پیدا یہ مسئلہ بھی کسی ڈھیل سے ہوا
اب دیکھیے اترتا ہے کیا آسمان سے
اک فیصلہ تو پہلے ابابیل سے ہوا
سلیم فگار
Har tazkira kitaab mein tafseel se hua
Har tazkira kitaab mein tafseel se hua
Mera safar shuru hi takmeel se hua
Is khaakdan pe phailne wala hai ek roz
Jis qahr ka zahoor kabhi neel se hua
Har simt ghoomti thi yahan raat ja baja
Phir din tumhare chehre qandeel se hua
Ugte hain sahilon pe kisi phool ki tarah
Kaisa yeh ishq tairon ko jheel se hua
Yeh jo tumhein kharab nazar aa raha hoon main
Paida yeh masla bhi kisi dheel se hua
Ab dekhiye utarta hai kya aasman se
Ik faisla toh pehle ababeel se hua
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں