کافر دن اور منکر راتیں کن وقتوں میں آ پہنچا ہوں — سلیم فگار
شاعر
کافر دن اور منکر راتیں کن وقتوں میں آ پہنچا ہوں
کافر دن اور منکر راتیں کن وقتوں میں آ پہنچا ہوں
تحت الثرا میں لے جائیں گے جن لوگوں میں آ پہنچا ہوں
میرے دھندلے نقش دوبارا کچھ گہرے ہوتے جاتے ہیں
چلتے پھرتے پہلی عمر کے بیتے دنوں میں آ پہنچا ہوں
اک امید ہے آنے والا وقت مجھے بھی دہرائے گا
لفظ و خیال و فکر میں ڈھل کر میں شعروں میں آ پہنچا ہوں
ان ذروں کی مٹھی میں بھی صد ہا خوابوں کی قبریں ہیں
دل میں اتنے سوگ اٹھا کر کن رستوں میں آ پہنچا ہوں
جن میں کوئی رنگ محبت ابھرا نہیں ہے کوشش سے بھی
اپنا شوق نظارہ لے کے کن آنکھوں میں آ پہنچا ہوں
تازہ ٹھنڈی سبز ہوائیں ہر اک موسم میں ہنستی تھیں
اس منظر کو ڈھونڈتے آج میں ان گلیوں میں آ پہنچا ہوں
سلیم فگار
Kaafir din aur munkir raatein kin waqton mein aa pahuncha hoon
Kaafir din aur munkir raatein kin waqton mein aa pahuncha hoon
Tehat us-sara mein le jaayenge jin logon mein aa pahuncha hoon
Mere dhundle naqsh dobaara kuch gehre hote jaate hain
Chalte phirte pehli umr ke beete dinon mein aa pahuncha hoon
Ek ummeed hai aane wala waqt mujhe bhi dohraega
Lafz-o-khayal-o-fikr mein dhal kar main sher'on mein aa pahuncha hoon
In zarron ki mutthi mein bhi sad-ha khwaabon ki qabrein hain
Dil mein itne sog utha kar kin raston mein aa pahuncha hoon
Jin mein koi rang-e-mohabbat ubhra nahin hai koshish se bhi
Apna shauq-e-nazaara le ke kin aankhon mein aa pahuncha hoon
Taaza thandi sabz hawaein har ek mausam mein hansti thien
Is manzar ko dhoondhte aaj main un galiyon mein aa pahuncha hoon
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں