کہیں آنکھیں کہیں بازو کہیں سے سر نکل آئے — سلیم فگار
شاعر
کہیں آنکھیں کہیں بازو کہیں سے سر نکل آئے
کہیں آنکھیں کہیں بازو کہیں سے سر نکل آئے
اندھیرا پھیلتے ہی ہر طرف سے ڈر نکل آئے
ہوئے ہیں کھوکھلے ہم لوگ ہجرت میں سو ڈرتے ہیں
خلا یہ روح کا ایسا نہ ہو باہر نکل آئے
یہ لگتا ہے کہ پتوں پہ رکھی تھیں منتظر آنکھیں
مرے آتے ہی کتنے پھول شاخوں پر نکل آئے
نہ جانے کھول دے کب کوئی لمحہ یاد کی گٹھری
کسی کونے سے ماضی کا حسیں منظر نکل آئے
مرے ہونٹوں پہ بکھرا یہ تبسم ڈھال ہے میری
کہ جانے کب اداسی کا کہیں خنجر نکل آئے
گرے ہیں جتنے آنسو دامن صحرا میں صدیوں سے
سلگتی ریت بھی اندر سے شاید تر نکل آئے
سلیم فگار
Kahin aankhen, kahin baazu, kahin se sar nikal aaye
Kahin aankhen, kahin baazu, kahin se sar nikal aaye
Andhera phailte hi har taraf se dar nikal aaye
Hue hain khokhley hum log hijrat mein, so darte hain
Khala yeh rooh ka aisa na ho bahar nikal aaye
Yeh lagta hai ke Patton pe rakhi thin muntazir aankhen
Mere aate hi kitne phool shakhon par nikal aaye
Na jaane khol de kab koi lamha yaad ki gathri
Kisi kone se maazi ka haseen manzar nikal aaye
Mere honton pe bikhra yeh tabassum dhaal hai meri
Ke jaane kab udasi ka kahin khanjar nikal aaye
Gire hain jitne aansoo daman-e-sehra mein sadiyon se
Sulagti rait bhi andar se shayad tar nikal aaye
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں