کھو دئیے ہیں چاند کتنے اک ستارا مانگ کر — سلیم فگار
شاعر
کھو دئیے ہیں چاند کتنے اک ستارا مانگ کر
کھو دئیے ہیں چاند کتنے اک ستارا مانگ کر
مطمئن ہیں کس قدر پھر بھی خسارہ مانگ کر
موج کے ہم راہ تھا تو سارا دریا ساتھ تھا
ہو گیا غرقاب لہروں سے کنارا مانگ کر
راکھ میں اب ڈھونڈھتا ہوں میں در و دیوار کو
گھر دیا ہے آگ کو میں نے شرارہ مانگ کر
تیری مرضی ہو تو بھر کشکول دل خالی مرا
میں نہیں لوں گا تجھے تجھ سے دوبارہ مانگ کر
اپنے پاؤں پر چلوں گا میں اپاہج تو نہیں
راستے کٹتے نہیں ہیں یوں سہارا مانگ کر
خواب کی مٹی کو گوندھوں گا لہو سے میں فگارؔ
گھر بنانا ہی نہیں دھرتی سے گارا مانگ کر
سلیم فگار
Kho diye hain chand kitne ik sitara maang kar
Kho diye hain chand kitne ik sitara maang kar
Mutmain hain kis qadar phir bhi khasaara maang kar
Mauj ke humrah tha toh saara darya saath tha
Ho gaya gharqaab lehron se kinara maang kar
Raakh mein ab dhoondhta hoon main dar-o-deewar ko
Ghar diya hai aag ko maine sharara maang kar
Teri marzi ho toh bhar kashkool-e-dil khali mera
Main nahin lunga tujhe tujh se dobara maang kar
Apne paon par chalunga main, apahij toh nahin
Raaste katte nahin hain yun sahara maang kar
Khwaab ki mitti ko goondhunga lahoo se main Fighar!
Ghar banana hi nahin dharti se gaara maang kar
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں