خوشبو سا کوئی دن تو ستارا سی کوئی شام — سلیم فگار
شاعر
خوشبو سا کوئی دن تو ستارا سی کوئی شام
خوشبو سا کوئی دن تو ستارا سی کوئی شام
بھیجو تو کبھی نور کا دھارا سی کوئی شام
پوروں سے نکل کر یہ کہاں جاتی ہے جانے
آتی ہی نہیں ہاتھ میں پارا سی کوئی شام
یادوں کی ہواؤں میں بڑا زور تھا شاید
ہے بکھری پڑی پاؤں میں گارا سی کوئی شام
رہتی ہے مرے کمرے میں کوئی تیرہ اداسی
اے شعلہ بدن بھیج شرارہ سی کوئی شام
اس دن کے سمندر میں جو شل ہوتے ہیں بازو
افلاک سے آتی ہے کنارا سی کوئی شام
ہم روز ہی دفناتے ہیں بجھتا ہوا سورج
پھر ڈھونڈنے جاتے ہیں سہارا سی کوئی شام
سلیم فگار
Khushboo sa koi din toh sitara si koi sham
Khushboo sa koi din toh sitara si koi sham
Bhejo toh kabhi noor ka dhara si koi sham
Puron se nikal kar yeh kahan jaati hai jaane
Aati hi nahin haath mein paara si koi sham
Yaadon ki hawaon mein bada zor tha shayad
Hai bikhri padi paon mein gaara si koi sham
Rehti hai mere kamre mein koi teerah udasi
Aye shola badan, bhej sharara si koi sham
Us din ke samundar mein jo shul hote hain baazu
Aflak se aati hai kinara si koi sham
Hum roz hi dafnate hain bujhta hua sooraj
Phir dhoondhne jaate hain sahara si koi sham
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں