مسلسل آگ میں اک آگ سی لگی ہوئی ہے — سلیم فگار
شاعر
مسلسل آگ میں اک آگ سی لگی ہوئی ہے
مسلسل آگ میں اک آگ سی لگی ہوئی ہے
یہ میں جو راکھ بنی ہے تو روشنی ہوئی ہے
رکا نہیں کسی منزل پہ کاروان سفر
ازل سے خون میں تحریک سی چلی ہوئی ہے
خمیر تخم میں رکھی ہوئی حسیں خواہش
گلاب بن کے ہر اک شاخ پر کھلی ہوئی ہے
پڑا ہوں جسم کے سانچے میں ہجر اپنا لیے
مجھے یہ عمر کہیں ڈھونڈنے گئی ہوئی ہے
فصیل و در مجھے حیرت سے تکتے رہتے ہیں
کسی دریچے سے کیا میری دوستی ہوئی ہے
یہ سرخ و تازہ گلوں سے بھری ہوئی ٹہنی
مرے بدن کا لہو پی کے ہی بڑی ہوئی ہے
سلیم فگار
Musalsal aag mein ik aag si lagi hui hai
Musalsal aag mein ik aag si lagi hui hai
Yeh main jo raakh bani hai toh roshni hui hai
Ruka nahin kisi manzil pe karwan-e-safar
Azal se khoon mein tehreek si chali hui hai
Khameer-e-tukhm mein rakhi hui haseen khwahish
Gulab ban ke har ik shakh par khili hui hai
Pada hoon jism ke saanche mein hijr apna liye
Mujhe yeh umr kahin dhoondhne gai hui hai
Faseel-o-dar mujhe hairat se takte rehte hain
Kisi dareeche se kya meri dosti hui hai
Yeh surkh-o-taaza gulon se bhari hui tehni
Mere badan ka lahoo pi ke hi badhi hui hai
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں