رواں ان پانیوں پر بلبلے ہیں — سلیم فگار
شاعر
رواں ان پانیوں پر بلبلے ہیں
رواں ان پانیوں پر بلبلے ہیں
صدف گہرے سمندر میں رکھے ہیں
شگوفے پھوٹتے ہیں نخل دل پر
مرے بچے مجھے جب چومتے ہیں
ہوا میں تتلیاں اڑتی ہیں اب بھی
ابھی تک لوگ ہنستے بولتے ہیں
تمہیں معلوم ہے نا ان لبوں پر
مرے حصے کے کچھ بوسے پڑے ہیں
ہمارے ساتھ رہتے ہیں ہمیشہ
بڑے اچھے ہمارے مسئلے ہیں
مرے جہلم ترے دریا کے اب بھی
مری آنکھوں سے گہرے رابطے ہیں
زمیں کو اس کی مٹی سونپنا تھی
فلک سے اس لئے ہم آ گئے ہیں
یہ کیسے بادشاہ وقت ہیں جو
مرے معصوم بچے مارتے ہیں
یہی آواز آتی ہے دروں سے
ہم اپنی راہ سے بھٹکے ہوئے ہیں
سلیم فگار
Rawan in paniyon par bulbule hain
Rawan in paniyon par bulbule hain
Sadaf gehre samandar mein rakhe hain
Shagoofe phootte hain nakhl-e-dil par
Mere bachche mujhe jab choomte hain
Hawa mein titliyan udti hain ab bhi
Abhi tak log hanste bolte hain
Tumhein maloom hai na in labon par
Mere hisse ke kuch bose pade hain
Hamare saath rehte hain hamesha
Bade achhe hamare masle hain
Mere Jhelum tere darya ke ab bhi
Meri aankhon se gehre raabte hain
Zameen ko is ki mitti saunpna thi
Falak se is liye hum aa gaye hain
Yeh kaise badshah-e-waqt hain jo
Mere masoom bachche marte hain
Yehi awaaz aati hai daron se
Hum apni raah se bhatke hue hain
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں