شام ڈھلتے ہی ترے دھیان میں آ جاتا ہوں — سلیم فگار
شاعر
شام ڈھلتے ہی ترے دھیان میں آ جاتا ہوں
شام ڈھلتے ہی ترے دھیان میں آ جاتا ہوں
یاد کرتی ہو تو اک آن میں آ جاتا ہوں
رات ہے جشن مری روح کی آزادی کا
صبح پھر جسم کے زندان میں آ جاتا ہوں
میں نہیں کچھ بھی مگر تیری نظر پڑتے ہی
کوزہ گر میں کسی امکان میں آ جاتا ہوں
تجھ سے لکھے ہیں مرے نقش سوئے خاک یہاں
آسماں سے اسی احسان میں آ جاتا ہوں
دیکھ کر مجھ کو چمکتی ہیں نگاہیں تیری
شکر ہے میں تری پہچان میں آ جاتا ہوں
شام بجھتا ہوا سورج ہے جنازہ دن کا
میں بھی چند اشک لئے لان میں آ جاتا ہوں
سلیم فگار
Shaam dhalte hi tere dhyaan mein aa jaata hoon
Shaam dhalte hi tere dhyaan mein aa jaata hoon
Yaad karti ho toh ik aan mein aa jaata hoon
Raat hai jashn meri rooh ki aazadi ka
Subh phir jism ke zindaan mein aa jaata hoon
Main nahin kuch bhi magar teri nazar padte hi
Kooza gar mein kisi imkaan mein aa jaata hoon
Tujh se likhe hain mere naqsh sue khak yahan
Aasman se isi ehsaan mein aa jaata hoon
Dekh kar mujh ko chamakti hain nigahen teri
Shukr hai main teri pehchan mein aa jaata hoon
Shaam bujhta hua sooraj hai, janaza din ka
Main bhi chand ashk liye lawn mein aa jaata hoon
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں