شب میں طلوع چہرۂ مہتاب کیجئے — سلیم فگار
شاعر
شب میں طلوع چہرۂ مہتاب کیجئے
شب میں طلوع چہرۂ مہتاب کیجئے
آغاز روشنی کا نیا باب کیجئے
یہ ملگجی سی رات دھواں اور یہ وصال
اس مہربان وقت کو آداب کیجئے
میں تشنگی سمیٹ کے لایا ہوں عمر کی
یک لمحۂ وصال میں سیراب کیجئے
ایسے تو ان میں عکس مرا ڈوب جائے گا
آنکھیں نہ اپنی خانۂ سیلاب کیجئے
پچھتا رہا ہوں خود کو حقیقت میں ڈھال کر
مژگاں پہ رکھ کے پھر سے مجھے خواب کیجئے
اک بحر بیکراں میں اسے ڈھال دے گا علم
اس کے سپرد فکر کا تالاب کیجئے
سلیم فگار
Shab mein taloo-e-chehra-e-mahtab kijiye
Shab mein taloo-e-chehra-e-mahtab kijiye
Aaghaz roshni ka naya baab kijiye
Yeh malgaji si raat dhuan aur yeh visal
Is meherbaan waqt ko aadab kijiye
Main tashnagi samet ke laya hoon umr ki
Yak lamha visal mein sairab kijiye
Aise to in mein aks mera doob jaayega
Aankhein na apni khana-e-sailab kijiye
Pachhtata raha hoon khud ko haqeeqat mein dhaal kar
Mizhgaan pe rakh ke phir se mujhe khwab kijiye
Ek behr-e-bekaraan mein use dhaal dega ilm
Us ke supurd fikr ka talaab kijiye
شاعر کے بارے میں
سلیم فگارؔ (اصل نام: محمد سلیم) اردو کے ایک اہم معاصر شاعر ہیں جن کی پیدائش 22 جون 1972ء کو جھیلم، پنجاب (پاکستان) میں ہوئی۔ انہوں نے ابتدائی زندگی...
مکمل تعارف پڑھیں