اب کہاں لے کے چھپیں عریاں بدن اور تن جلا — شہاب جعفری
شاعر
اب کہاں لے کے چھپیں عریاں بدن اور تن جلا
اب کہاں لے کے چھپیں عریاں بدن اور تن جلا
دھوپ ایسی ہے کہ سائے سے بھی پیراہن جلا
چھین لو احساس مجھ سے چھین لو میرا شعور
اس گھٹا میں تن پھنکا اس روشنی سے من جلا
زندگی دشت سراب اور سر پہ اک سورج محیط
میں تو میں ہوں میرے سائے کا بھی سب تن من جلا
کس صدا کی ضرب سے ٹوٹا سکوت سنگ دشت
ایک چنگاری اڑی سارا کا سارا بن جلا
دل جو تھا سینے میں بچ سکتے تھے کب اہل خرد
شہر میں اک شور تھا دامن جلا دامن جلا
دل دکھوں کی خاک پر کی شب نشینی ماہ نے
دن کبھی نکلا تو اک سورج سر مدفن جلا
تیرگی کی آندھیاں اٹھتی رہیں ہر نور سے
اک چراغ ایسا ہے سینے میں کہ بے روغن جلا
رفتہ رفتہ ہو گئے دست طلب اہل جنوں
راستوں پر سب لیے بیٹھے ہیں اک دامن جلا
گھٹ کے رہ سکتی تھی کب تک آتش رنگ بہار
ضرب موسم بھی کچھ ایسی تھی کہ سب گلشن جلا
جل گیا تو کیا ہوا آخر تو میں کندن ہوا
ہم نشیں دامن کی کیا جب من جلا دامن جلا
شہاب جعفری
Ab kahan le ke chhupen uryaan badan aur tan jala
Ab kahan le ke chhupen uryaan badan aur tan jala
Dhoop aisi hai ke saaye se bhi pairahan jala
Chheen lo ehsas mujh se chheen lo mera shaoor
Is ghaTa mein tan phunka is roshni se man jala
Zindagi dasht-e-sarab aur sar pe ik suraj muheet
Main to main hoon mere saaye ka bhi sab tan man jala
Kis sada ki zarb se TooTa sakoot-e-sang-e-dasht
Ek chingari udi sara ka sara ban jala
Dil jo tha seene mein bach sakte the kab ahl-e-khirad
Shahr mein ik shor tha daman jala daman jala
Dil dukhon ki khak par ki shab-nasheeni mah ne
Din kabhi nikla to ik suraj sar-e-madfan jala
Teergi ki aandhiyan uThti rahen har noor se
Ik charagh aisa hai seene mein ke be-roghan jala
Rafta rafta ho gaye dast-e-talab ahl-e-junoon
Raston par sab liye baiThe hain ik daman jala
GhaT ke rah sakti thi kab tak aatish-rang-e-bahar
Zarb-e-mausam bhi kuch aisi thi ke sab gulshan jala
Jal gaya to kya hua aakhir to main kundan hua
Ham-nasheen daman ki kya jab man jala daman jala
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں