دوام — شہاب جعفری
شاعر
دوام
مجھے آج محسوس یوں ہو رہا ہے
کہ میں مر گیا ہوں
مرا نام کچھ بھی ہو میں عام سا آدمی
اس سے کچھ فرق پڑتا نہیں
ایک احساس کے مختلف نام ہیں
ساری دنیا میں جو شخص دنیا سے اٹھا ہے وہ میں ہوں
میں جس نے دیکھا ہے ہر شخص میں خود کو مرتے ہوئے
مجھ کو جس طرح چاہو پکارو کہ وہ مرنے والا تو میں ہی ہوں
لوگو شہادت سے بڑھ کر مری موت بے لوث ہے
اور کسی کا مرے پاس کچھ بھی نہیں
جب بھی آیا ہوں تم سب میں تم بن کے زندہ رہا
اور دنیا سے جاتے ہوئے ساتھ صرف اپنا غم لے گیا
غم جو دنیا میں ''میں'' بن کے پھر آئے گا
شہاب جعفری
Dawaam
Mujhe aaj mehsoos yoon ho raha hai
Ke main mar gaya hoon
Mera naam kuch bhi ho main 'aam sa aadmi
Is se kuch farq paRta nahin
Ek ehsaas ke mukhtalif naam hain
Saari duniya mein jo shakhs duniya se uTha hai woh main hoon
Main jis ne dekha hai har shakhs mein khud ko marte hue
Mujh ko jis tarah chaaho pukaaro ke woh marne waala to main hi hoon
Logo shahaadat se baRh kar meri maut be-laus hai
Aur kisi ka mere paas kuch bhi nahin
Jab bhi aaya hoon tum sab mein tum ban ke zinda raha
Aur duniya se jaate hue saath sirf apna gham le gaya
Gham jo duniya mein ''main'' ban ke phir aaye ga
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں