میں — شہاب جعفری
شاعر
میں
کس قدر روشن ہیں اب ارض و سما
نور ہی نور آسماں تا آسماں
میرے اندر ڈوبتے چڑھتے ہوئے سورج کئی
جسم میرا روشنی ہی روشنی
پانو میرے نور کے پاتال میں
ہاتھ میرے جگمگاتے آسمانوں کو سنبھالے
سر مرا کاندھوں پہ اک سورج
کہ نادیدہ خلاؤں سے پرے ابھرا ہوا
اور زمیں کے روز و شب سے چھوٹ کر
آگہی کی تیز رو کرنوں پہ میں اڑتا ہوا
چار جانب اک سہانی تیرگی کی کھوج میں نکلا ہوا
شہاب جعفری
Main
Kis qadar roshan hain ab arz o sama
Noor hi noor, asman ta asman
Mere andar doobte chadh-te hue suraj kai
Jism mera roshni hi roshni
Paaon mere noor ke pataal mein
Haath mere jagmagate asmanon ko sambhale
Sar mera kandhon pe ik suraj
Ke nadida khalaon se pare ubhra hua
Aur zameen ke roz o shab se chhoot kar
Aagahi ki tez-rau kirnon pe main udta hua
Char jaanib ik suhani teeragi ki khoj mein nikla hua
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں