دشت غربت ہے تو وہ کیوں ہیں خفا ہم سے بہت — شہاب جعفری
شاعر
دشت غربت ہے تو وہ کیوں ہیں خفا ہم سے بہت
دشت غربت ہے تو وہ کیوں ہیں خفا ہم سے بہت
ہم دکھی بیٹھے ہیں لگ چل نہ صبا ہم سے بہت
کیا ہے دامن میں بجز گرد مہ و سال امید
کیوں الجھتی ہے زمانے کی ہوا ہم سے بہت
اب ہم اظہار الم کرنے لگے ہیں سب سے
اب اٹھائی نہیں جاتی ہے جفا ہم سے بہت
کون موسم ہے کہ پتھر سے لہو رستا ہے
خوں بہا مانگے ہے اب دل کی صدا ہم سے بہت
داد شوریدہ سری پائے جو سر سے گزرے
دور بھاگے ہے عبث موج بلا ہم سے بہت
کر تو دیں قصۂ دوراں میں ترے غم کا بیاں
پر لہو مانگے ہے یہ فکر رسا ہم سے بہت
چڑھتے سورج کے پجاری وہی نکلے جو شہابؔ
کرتے تھے تذکرۂ صدق و صفا ہم سے بہت
شہاب جعفری
Dasht-e-ghurbat hai to woh kyun hain khafa hum se bahut
Dasht-e-ghurbat hai to woh kyun hain khafa hum se bahut
Hum dukhi baiThe hain lag chal na saba hum se bahut
Kya hai daman mein bajuz gard-e-mah-o-saal-e-ummeed
Kyun ulajhti hai zamane ki hawa hum se bahut
Ab hum izhar-e-alam karne lage hain sab se
Ab uThayi nahin jaati hai jafa hum se bahut
Kaun mausam hai ke patthar se lahoo rasta hai
Khoon-baha maange hai ab dil ki sada hum se bahut
Dad-e-shoreeda-sari paye jo sar se guzre
Door bhage hai abas mauj-e-bala hum se bahut
Kar to dein qissa-e-dauraan mein tere gham ka bayan
Par lahoo maange hai ye fikr-e-rasa hum se bahut
ChaDhte suraj ke pujari wahin nikle jo Shahab!
Karte the tazkira-e-sidq-o-safa hum se bahut
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں