دل پر وفا کا بوجھ اٹھاتے رہے ہیں ہم — شہاب جعفری
شاعر
دل پر وفا کا بوجھ اٹھاتے رہے ہیں ہم
دل پر وفا کا بوجھ اٹھاتے رہے ہیں ہم
اپنا ہر امتیاز مٹاتے رہے ہیں ہم
منہ پر جو یہ جلے ہوئے دامن کی راکھ ہے
شعلوں میں زندگی کے نہاتے رہے ہیں ہم
اتنا نہ کھل سکا کہ ہوا کس طرف کی ہے
سارے جہاں کی خاک اڑاتے رہے ہیں ہم
آنکھوں سے دل تک ایک جہان سکوت ہے
سنتے ہیں اس دیار سے جاتے رہے ہیں ہم
تیرا خیال مانع عرض ہنر ہوا
کس کس طرح سے جی کو جلاتے رہے ہیں ہم
کس کی صدا سنی تھی کہ چپ لگ گئی شہابؔ
ساتوں سروں کا بھید گنواتے رہے ہیں ہم
شہاب جعفری
Dil par wafa ka bojh uThate rahe hain hum
Dil par wafa ka bojh uThate rahe hain hum
Apna har imtiyaz miTate rahe hain hum
Munh par jo ye jale hue daman ki rakh hai
Sholon mein zindagi ke nahate rahe hain hum
Itna na khul saka ke hawa kis taraf ki hai
Sare jahan ki khak udate rahe hain hum
Aankhon se dil tak ek jahan sakoot hai
Sunte hain us dayar se jaate rahe hain hum
Tera khayal mane' arz-e-hunar hua
Kis kis tarah se jee ko jalate rahe hain hum
Kis ki sada suni thi ke chup lag gayi Shahab!
Saaton suron ka bhed ganwate rahe hain hum
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں