گل نو کے ہاتھ سے دم بہ دم جو صبا نکلتی چلی گئی — شہاب جعفری
شاعر
گل نو کے ہاتھ سے دم بہ دم جو صبا نکلتی چلی گئی
گل نو کے ہاتھ سے دم بہ دم جو صبا نکلتی چلی گئی
تو چمن چمن تھی وہ تشنگی کہ بہار جلتی چلی گئی
میں مسافر رہ درد تھا ہر امید دست سوال تھی
یہ حیات موج سراب تھی مرے ساتھ چلتی چلی گئی
تری یاد گلشن خواب تھی کہ مری نواؤں کے دشت میں
یہ بہار شمع خیال تھی سر شاخ جلتی چلی گئی
تری آرزو تو نہ تھی مگر تو کہاں ہے میرے نگار سن
تری جستجو کے بغیر بھی رہ دل بدلتی چلی گئی
ترے گیسوؤں کی کہانیاں جو سنیں تو نیند سی آ چلی
سفر حیات میں سخت تھی مری رات ڈھلتی چلی گئی
نظر آئی منزل آرزو تو ہر اک نشیب و فراز پر
یہ قدم بہکتے چلے گئے وہ نظر سنبھلتی چلی گئی
شہاب جعفری
Gul-e-nau ke haath se dam ba dam jo saba nikalti chali gayi
Gul-e-nau ke haath se dam ba dam jo saba nikalti chali gayi
Tu chaman chaman thi woh tashnagi ke bahaar jalti chali gayi
Main musafir-e-rah-e-dard tha har umeed dast-e-sawaal thi
Ye hayaat mauj-e-saraab thi mere saath chalti chali gayi
Teri yaad gulshan-e-khwaab thi ke meri nawaaon ke dasht mein
Ye bahaar shama-e-khayaal thi sar-e-shaakh jalti chali gayi
Teri aarzoo to na thi magar tu kahaan hai mere nigaar sun
Teri justujoo ke baghair bhi rah-e-dil badalti chali gayi
Tere gesuon ki kahaniyaan jo suni to neend si aa chali
Safar-e-hayaat mein sakht thi meri raat Dhalti chali gayi
Nazar aayi manzil-e-aarzoo to har ek nasheb-o-faraaz par
Ye qadam behakte chale gaye woh nazar sambhalti chali gayi
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں