ہوس زلف گرہ گیر لیے بیٹھے ہیں — شہاب جعفری
شاعر
ہوس زلف گرہ گیر لیے بیٹھے ہیں
ہوس زلف گرہ گیر لیے بیٹھے ہیں
آیت شوق کی تفسیر لیے بیٹھے ہیں
آسماں ساتھ چلا گھر کی زمیں دور ہوئی
تجھ سے دور اک رہ دلگیر لیے بیٹھے ہیں
وجہ تعزیر ہوئی بے وطنی بھی جب سے
عنبریں ہاتھوں کی تحریر لیے بیٹھے ہیں
آپ سے آپ وہ کھلتی ہوئی زلفیں تیری
اب اسی سوگ کی تصویر لیے بیٹھے ہیں
ہائے کیا عہد جوانی و محبت ہے کہ ہم
اک نہ اک مرنے کی تدبیر لیے بیٹھے ہیں
زندگی بے در و دیوار مکاں ہے کوئی
کب سے اک حسرت تعمیر لیے بیٹھے ہیں
کوئی اپنوں ہی میں قاتل ہے تو ہم چپ سے شہابؔ
زخم کھائے ہوئے شمشیر لیے بیٹھے ہیں
شہاب جعفری
Hawas-e-zulf-e-girah-geer liye baiThe hain
Hawas-e-zulf-e-girah-geer liye baiThe hain
Ayat-e-shauq ki tafseer liye baiThe hain
Aasman saath chala ghar ki zameen door hui
Tujh se door ik rah-e-dilgeer liye baiThe hain
Wajah-e-tazeer hui be-watani bhi jab se
Ambreen haathon ki tehreer liye baiThe hain
Aap se aap woh khulti hui zulfen teri
Ab isi sog ki tasveer liye baiThe hain
Haaye kya ahd-e-jawani-o-mohabbat hai ke hum
Ik na ik marne ki tadbeer liye baiThe hain
Zindagi be-dar-o-deewar makan hai koi
Kab se ik hasrat-e-tameer liye baiThe hain
Koi apnon hi mein qatil hai to hum chup se Shahab!
Zakhm khaaye hue shamsheer liye baiThe hain
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں