ہجر و وصال یار کا موسم نکل گیا — شہاب جعفری
شاعر
ہجر و وصال یار کا موسم نکل گیا
ہجر و وصال یار کا موسم نکل گیا
اے درد عشق جاگ زمانہ بدل گیا
کب تک یہ روز حشر سن اے شام انتظار
کیا رات اب نہ آئے گی سورج تو ڈھل گیا
اب کے کہاں سے آئے ہو ساون کے بادلو
دیکھو تو سارا باغ ہی برکھا سے جل گیا
جاؤں کہاں کہ تاب نہیں عرض نغمہ کی
پانی میں آگ لگ گئی پتھر پگھل گیا
ساتوں سروں کے راگ سے جلتی ہے دل کی آگ
باد فنا میں بھی مرا شعلہ سنبھل گیا
اس کی صدا سے راگ نکالے شہابؔ نے
اک شب لگی وہ آگ کہ نادان جل گیا
شہاب جعفری
Hijr-o-visal-e-yaar ka mausam nikal gaya
Hijr-o-visal-e-yaar ka mausam nikal gaya
Ae dard-e-ishq jaag zamana badal gaya
Kab tak ye roz-e-hashr sun ae sham-e-intizar
Kya raat ab na aayegi suraj to Dhal gaya
Ab ke kahan se aaye ho sawan ke badalo
Dekho to sara bagh hi barkha se jal gaya
Jaoon kahan ke taab nahin arz-e-naghma ki
Pani mein aag lag gayi patthar pighal gaya
Saaton suron ke raag se jalti hai dil ki aag
Bad-e-fana mein bhi mera shola sambhal gaya
Is ki sada se raag nikale Shahab! ne
Ek shab lagi woh aag ke nadan jal gaya
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں