مجھ کو تو پہلے کا سب سچ ناٹک جیسا لگتا ہے — شہاب جعفری
شاعر
مجھ کو تو پہلے کا سب سچ ناٹک جیسا لگتا ہے
مجھ کو تو پہلے کا سب سچ ناٹک جیسا لگتا ہے
تم کو اور کسی آغوش میں اکثر کیسا لگتا ہے
ہم کتنے سچے تھے سچ کی لاج میں جھوٹ بھی کہہ جاتے
سچ کہنا اسی جھوٹ کی سوگند اب کیا سچا لگتا ہے
مدت بعد نگاہ ملی دو اکتارے جھنکار اٹھے
دو سناٹے چپ چپ پوچھیں اب تو مرا کیا لگتا ہے
ہاتھ دھندلکوں سے مت لہرا بندھن کی پتوار سنبھال
جنموں کے پاتال کے مانجھی گھاٹ تو ڈوبا لگتا ہے
باتیں بہت تھیں اتنے دنوں میں چیخ بنیں یا چپ کی چٹان
اب جاؤ یہ سنسانا پھر چیخا چیخا لگتا ہے
تیرا برا چاہیں پھر رو دیں جی کو تو کیا تسکین ملے
تم سکھ ہم دکھ بٹ گیا سب کچھ سب کچھ انوکھا لگتا ہے
کچھ سنسان سا شور سنا ہاں سپنے سب محفوظ ہیں نا
ہاتھ ان آنکھوں پر رہنے دو شور اب اچھا لگتا ہے
ہر انجان سے اپنا پا کون انجان اس کا اپنا تھا
خود ہی شہابؔ سے مل دیکھو نا پگلایا سا لگتا ہے
شہاب جعفری
Mujh ko to pehle ka sab sach naatak jaisa lagta hai
Mujh ko to pehle ka sab sach naatak jaisa lagta hai
Tum ko aur kisi aaghosh mein aksar kaisa lagta hai
Hum kitne sacche the sach ki laaj mein jhoot bhi keh jaate
Sach kehna isi jhoot ki saugand ab kya saccha lagta hai
Muddat ba'd nigaah mili do ik taare jhankaar uThe
Do sannate chup chup poochhein ab to mera kya lagta hai
Haath dhundalkon se mat lehra bandhan ki patwaar sambhaal
Janmon ke paataal ke maanjhi ghaat to Dooba lagta hai
Baatein bahut theen itne dinon mein cheekh banien ya chup ki chaTTaan
Ab jaao ye sannsana phir cheekha cheekha lagta hai
Tera bura chaahein phir ro dein ji ko to kya taskeen mile
Tum sukh hum dukh baT gaya sab kuch sab kuch anokha lagta hai
Kuch sannsaan sa shor suna haan sapne sab mehfooz hain na
Haath un aankhon par rehne do shor ab accha lagta hai
Har anjaan se apna paa kaun anjaan is ka apna tha
Khud hi Shahab se mil dekho na paglaaya sa lagta hai
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں