شام رکھتی ہے بہت درد سے بیتاب مجھے — شہاب جعفری
شاعر
شام رکھتی ہے بہت درد سے بیتاب مجھے
شام رکھتی ہے بہت درد سے بیتاب مجھے
لے کے چھپ جا کہیں اے آرزوئے خواب مجھے
اب میں اک موج شب تار ہوں ساحل ساحل
راہ میں چھوڑ گیا ہے مرا مہتاب مجھے
اب تک اک شمع سیہ پوش ہوں صحرا صحرا
تجھ سے چھٹ کر نہ ملی رہ گزر خواب مجھے
ساحل آب و سراب ایک ہے منزل منزل
تشنگی کرتی ہے سیراب نہ غرقاب مجھے
میں بھی صحرا ہوں مجھے سنگ سمجھنے والو
اپنی آواز سے کرتے چلو سیراب مجھے
میں بھی دریا ہوں ہر اک سمت رواں ہوں کب سے
میرا ساحل بھی نہیں منزل پایاب مجھے
اب مجھے ڈھونڈ نہ آغوش گریزاں ہر سو
لے اڑی خاک بہا لے گیا سیلاب مجھے
شام پوچھے تو نہ کہنا کہ میں دنیا میں نہیں
لے کے پھر آئے گا اس گھر میں مرا خواب مجھے
شہاب جعفری
Shaam rakhti hai bahut dard se betaab mujhe
Shaam rakhti hai bahut dard se betaab mujhe
Le ke chhup ja kahin ae aarzoo-e-khwab mujhe
Ab main ik mauj-e-shab-e-tar hoon sahil sahil
Raah mein chhoD gaya hai mera mahtab mujhe
Ab tak ik shama-e-siyah-posh hoon sahra sahra
Tujh se chhut kar na mili rahguzar-e-khwab mujhe
Sahil-e-ab-o-sarab ek hai manzil manzil
Tishnagi karti hai serab na gharkab mujhe
Main bhi sahra hoon mujhe sang samajhne walo
Apni aawaz se karte chalo serab mujhe
Main bhi darya hoon har ik simt rawan hoon kab se
Mera sahil bhi nahin manzil-e-payab mujhe
Ab mujhe DhoonD na aghosh-e-gurezan har soo
Le uDi khak baha le gaya sailaab mujhe
Shaam poochhe to na kahna ke main duniya mein nahin
Le ke phir aayega is ghar mein mera khwab mujhe
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں