سوئے شہر آئے اڑاتے پرچم صحرا کو ہم — شہاب جعفری
شاعر
سوئے شہر آئے اڑاتے پرچم صحرا کو ہم
سوئے شہر آئے اڑاتے پرچم صحرا کو ہم
اے جنوں اب کے الٹ کے رکھ ہی دیں دنیا کو ہم
تھا کہیں ماضی میں تو اے حال اب آگے تیرا کام
لے تو آئے تیری چوکھٹ تک ترے فردا کو ہم
کتنے دانا ہیں لگا کر آگ سارے شہر کو
ایک گنگا لے چلے جلتی ہوئی لنکا کو ہم
مضطرب ہیں سارے سناٹے کہ آوازیں بنیں
رہبرو دابے ہیں اک پتھر تلے صحرا کو ہم
خاک کا ذرہ گہر کے مول تھا بازار میں
جو کے دانے کے لئے روتے ہیں ان داتا کو ہم
پیاس کہہ کہہ کر پکاریں بیچ دریا میں کھڑے
پانی پانی کہہ کے مانگیں ریت سے دریا کو ہم
دھوپ اگر ہوتی تو تن ڈھکنا کچھ آساں تھا شہابؔ
روشنی سے چھین لیتے پردۂ سایا کو ہم
شہاب جعفری
Sooy-e-shehr aaye uRaate parcham-e-sehra ko hum
Sooy-e-shehr aaye uRaate parcham-e-sehra ko hum
Ae junoon ab ke ulT ke rakh hi dein duniya ko hum
Tha kaheen maazi mein tu ae haal ab aage tera kaam
Le to aaye teri chaukhaT tak tere fardaa ko hum
Kitne daana hain laga kar aag saare shehr ko
Ek Ganga le chale jalti huyi Lanka ko hum
Muztarib hain saare sannate ke awaazein banien
Rahbaru daabe hain ek patthar tale sehra ko hum
Khaak ka zarra gohar ke mol tha bazaar mein
Jo ke daane ke liye rote hain un daataa ko hum
Pyaas keh keh kar pukaarein beech darya mein khaRe
Pani pani keh ke maangein reit se darya ko hum
Dhoop agar hoti to tan Dhakna kuch aasaan tha Shahab
Roshni se chheen lete parda saaya ko hum
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں