یاد اس کی ہے کچھ ایسی کہ بسرتی بھی نہیں — شہاب جعفری
شاعر
یاد اس کی ہے کچھ ایسی کہ بسرتی بھی نہیں
یاد اس کی ہے کچھ ایسی کہ بسرتی بھی نہیں
نیند آتی بھی نہیں رات گزرتی بھی نہیں
زندگی ہے کہ کسی طرح گزرتی بھی نہیں
آرزو ہے کہ مری موت سے ڈرتی بھی نہیں
بس گزرتے چلے جاتے ہیں مہ و سال امید
دو گھڑی گردش ایام ٹھہرتی بھی نہیں
دور ہے منزل آفاق دکھی بیٹھے ہیں
سخت ہے پاؤں کی زنجیر اترتی بھی نہیں
سن تو سائل نہیں ہم خاک نشین گمراہ
اے صبا تو تو ذرا دیر ٹھہرتی بھی نہیں
شام ہوتی ہے تو اک اجنبی دستک کے سوا
دل سے پہروں کوئی آواز ابھرتی بھی نہیں
زندگی تو بھی کوئی موج بلا کیوں نہ سہی
ایک ہی بار مرے سر سے گزرتی بھی نہیں
شہاب جعفری
Yaad us ki hai kuch aisi ke bisarti bhi nahin
Yaad us ki hai kuch aisi ke bisarti bhi nahin
Neend aati bhi nahin raat guzarti bhi nahin
Zindagi hai ke kisi tarah guzarti bhi nahin
Aarzoo hai ke meri maut se darti bhi nahin
Bas guzarte chale jaate hain mah-o-saal-e-ummeed
Do ghaDi gardish-e-ayyam Thaharti bhi nahin
Door hai manzil-e-afaq dukhi baiThe hain
Sakht hai paaon ki zanjeer utarti bhi nahin
Sun to sa'il nahin hum khak-nasheen gumrah
Ae saba tu to zara der Thaharti bhi nahin
Shaam hoti hai to ik ajnabi dastak ke siwa
Dil se pahron koi aawaz ubharti bhi nahin
Zindagi tu bhi koi mauj-e-bala kyun na sahi
Ek hi baar mere sar se guzarti bhi nahin
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں