ضرب تیشہ کی صدا میں کیا اٹھا کر لے گئے — شہاب جعفری
شاعر
ضرب تیشہ کی صدا میں کیا اٹھا کر لے گئے
ضرب تیشہ کی صدا میں کیا اٹھا کر لے گئے
ٹوٹتے پتھر سے ہم صحرا اٹھا کر لے گئے
بے خودی کو جانتے کیا ہم خودی خوان جنوں
قطرے کی تمہید میں دریا اٹھا کر لے گئے
پاؤں جب سمٹے تو رستے بھی ہوئے تکیہ نشیں
بوریا جب تہہ کیا دنیا اٹھا کر لے گئے
ہر جگہ جاں کو یہی دھڑکا کہ لٹ جائیں نہ ہم
ہم تو ہر دھرتی سے گھر اپنا اٹھا کر لے گئے
اس سفر میں ساتھ کون آتا صدا تو سب کو دی
زندگی کا بوجھ تھا تنہا اٹھا کر لے گئے
ہیں پر اتنے بھی نہیں شائستۂ تشنہ لبی
ہم سے گر شبنم چھنی دریا اٹھا کر لے گئے
سربلند اپنا لہو تھا سرنگوں قاتل کی تیغ
ہم ہتھیلی پر جو سر اپنا اٹھا کر لے گئے
ہم تری آواز کے رسیا بہ درگاہ جنوں
شعلۂ حرف و صدا لپکا اٹھا کر لے گئے
دشت در دشت اک صدائے بازگشت اپنی شہابؔ
سارے پتھر اپنا سناٹا اٹھا کر لے گئے
شہاب جعفری
Zarb-e-tesha ki sada mein kya uTha kar le gaye
Zarb-e-tesha ki sada mein kya uTha kar le gaye
TooTte patthar se hum sehra uTha kar le gaye
Be-khudi ko jaante kya hum khudi khwaan junoon
Qatre ki tamheed mein darya uTha kar le gaye
Paaon jab sameTe to raste bhi hue takiya nasheen
Boriya jab teh kiya duniya uTha kar le gaye
Har jagah jaan ko yehi dhaRka ke luT jaayen na hum
Hum to har dharti se ghar apna uTha kar le gaye
Is safar mein saath kaun aata sada to sab ko di
Zindagi ka bojh tha tanha uTha kar le gaye
Hain par itne bhi nahin shaa'ista-e-tishna labi
Hum se gar shabnam chhini darya uTha kar le gaye
Sarbuland apna lahu tha sarnigoon qaatil ki tegh
Hum hatheli par jo sar apna uTha kar le gaye
Hum teri awaaz ke rasiya bah-dargah-e-junoon
Sho'la-e-harf-o-sada lapka uTha kar le gaye
Dasht dar dasht ek sadaa-e-bazgasht apni Shahab
Saare patthar apna sannata uTha kar le gaye
شاعر کے بارے میں
شہاب جعفری (اصل نام: سید وقار احمد جعفری) جدید اردو شاعری کے ممتاز اور صاحبِ فکر شاعر تھے۔ وہ 2 جون 1930ء کو بنارس (اتر پردیش، ہندوستان) میں پیدا ہ...
مکمل تعارف پڑھیں