بکھرے ہوئے تاروں سے مری رات بھری ہے — شہزاد احمد
شاعر
بکھرے ہوئے تاروں سے مری رات بھری ہے
بکھرے ہوئے تاروں سے مری رات بھری ہے
یہ نور ہے یا نور کی دریوزہ گری ہے
ہے آج بھی پہلو میں وہی زخم بہاراں
اب تک مری آنکھوں میں ہر اک شاخ ہری ہے
دنیا میں اندھیروں کے سوا اور رہا کیا
اک تیری تمنا سو چراغ سحری ہے
اب ساتھ نہ دے پائیں گے ٹوٹے ہوئے بازو
اڑتے ہوئے لمحوں سے مری ہم سفری ہے
ہر لحظہ بدلتی ہوئی آنکھوں پہ نہ جاؤ
دل کے لیے امید فزا بے خبری ہے
جلوے کی بصیرت کو سمجھتی نہیں آنکھیں
آئینے کا مقدور پریشاں نظری ہے
اڑتے ہوئے آتے ہیں ابھی سنگ تمنا
اور کار گہہ دل کی وہی شیشہ گری ہے
چپ چاپ دریچوں کی طرف دیکھتے پھرنا
زندہ ہیں تو شہزادؔ یہی در بدری ہے
Bikhre hue taron se meri raat bhari hai
Bikhre hue taron se meri raat bhari hai
Ye noor hai ya noor ki darweza-gari hai
Hai aaj bhi pehlu mein wahi zakhm-e-baharan
Ab tak meri aankhon mein har ek shakh hari hai
Dunya mein andheron ke siwa aur raha kya
Ek teri tamanna sau chiragh-e-sahri hai
Ab saath na de paen ge tooṭe hue bazoo
Uṛte hue lamhon se meri ham-safari hai
Har lahza badalti hui aankhon pe na jao
Dil ke liye ummeed-faza be-khabari hai
Jalwe ki baseerat ko samajhti nahin aankhen
Aainon ka maqdoor pareshan-nazri hai
Uṛte hue aate hain abhi sang-e-tamanna
Aur kar-gah-e-dil ki wahi sheesha-gari hai
Chup chap darichon ki taraf dekhte phirna
Zinda hain to Shehzad yahi dar-badari hai
شاعر کے بارے میں
شہزاد احمد 16 اپریل 1932ء کو امرتسر (برطانوی ہندوستان) میں پیدا ہوئے۔ ان کا اصل نام شہزاد احمد تھا اور ادبی دنیا میں بھی وہ اسی نام سے معروف ہوئے۔ ...
مکمل تعارف پڑھیں